Qaraǵandy men Balqash qalalary arasynda jol jabyq - KKM
ASTANA. 8 aqpan. QazAqparat - 2011 jylǵy 8 aqpanda saǵat 12.00-den bastap aýa raıynyń qolaısyzdyǵynan (borap jaýǵan qar, kóktaıǵaq) jáne joldyń nashar kórinýinen «RF shekarasy (Ekaterınborǵa qaraı) - Almaty» avtojolynyń «Qaraǵandy - Balqash» ýchaskesinde (1492-1854 km) avtokólikterdiń barlyq túrine jol júrýge tyıym salyndy.
Bul týraly QR Kólik jáne kommýnıkatsııa mınıstrliginiń baspasóz qyzmeti málim etti.
Sonymen qatar, aýa raıynyń nasharlaýyna baılanysty «Jezqazǵan - Esil - Petropavl» avtojolynyń «Sátbaev aýyly - Qostanaı oblysynyń shekarasy» ýchaskesi de (24-242 km) áli jabyq kúıinde qalyp otyr.
Avtomobıl joldaryndaǵy keleńsiz jaǵdaılardyń aldyn alý úshin aýa raıy jaqsarǵansha jol júrýden bas tartyp, Qazaqstannyń gıdrometeorologııalyq qyzmetiniń habarlamalaryna nazar salǵan jón.
QR Kólik jáne kommýnıkatsııa mınıstrliginiń «Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi, baılanys telefony (7172) 44-46-85. Sonymen qatar, joldar jónindegi shuǵyl aqparat www.mtk.gov.kz, www.kad.gov.kz, www.kazavtodor.kz saıttarynda jarııalanady.
