Qaraǵandy memlekettik ýnıversıtetinde tanymal hımııa ǵalymy M.Muhametjanov atyndaǵy dárishana ashyldy
QARAǴANDY. 29 aqpan. QazAqparat - Búgin E.Bóketov atyndaǵy Qaraǵandy memlekettik ýnıversıtetinde tabıǵı qosylystar hımııasy salasynda tanymal ǵalym, ǵylym jáne tehnıka salasyndaǵy QR Memlekettik syılyǵynyń laýreaty Marat Muhametjanov atyndaǵy dárishananyń ashylýy bolyp ótti.
Bul oqıǵa hımııa jáne hımııalyq tehnologııa boıynsha ekinshi halyqaralyq qazaqstandyq-reseılik konferentsııaǵa oraılastyryldy, dep atap ótedi uıymdastyrýshylar. Saltanatty rásimge hımııa ǵalymdary, qoǵam ókilderi, M.Muhametjanovtyń týystary qatysty.
M.Muhametjanov QarMÝ-diń organıkalyq hımııa kafedrasynyń dotsenti bolǵan. QazKSR ǵylym akademııasy hımııa-metallýrgııa ınstıtýtynyń gerbıtsıdter hımııasy zerthanasyna basshylyq etken. M.Muhametjanov halyqaralyq dárejede moıyndalǵan tabıǵı qospalar hımııasy salasyndaǵy ǵylymı mekteptiń negizin qalaýshy bolyp tabylady. QR Prezıdentiniń 2007 jylǵy Jarlyǵy boıynsha Qazaqstannyń ǵylymyn damytýyndaǵy sińirgen eńbegi úshin M.Muhametjanovqa (qaıtys bolǵannan keıin). ǵylym jáne tehnıka salasyndaǵy QR Memlekettik syılyǵy berildi.
