Qaraǵandy mektepterinde ınklıýzıvti kabınetter kóbeıedi
QARAǴANDY. QazAqparat - Qaraǵandy oblysynda ınklıýzıvti bilim berýdi damytýǵa kóp kóńil bólinedi. Erekshe balalarǵa birdeı jáne jaıly jaǵdaı jasaýǵa tyrysady. Mektepterde ınklıýzııa kabınetteri arnaıy zamanaýı jabdyqtarmen jabdyqtalǵan, dep habarlaıdy QazAqparat tilshisi.
Bıylǵy oqý jylynda «Árbir bala mektepke laıyq» respýblıkalyq jobasy aıasynda «Bolashaq» korporatıvtik qorynyń qoldaýymen Qaraǵandy qalasynyń eki mektebinde ınklıýzıvti bilim kabınetteri ashyldy. Erekshe bilim berý qajettiligi bar árbir oqýshyda tıýtor bar, ol ony barlyq sabaqta jáne úziliste súıemeldeıdi. Muǵalimdermen jáne qurdastarymen ózara is-qımyl jasaýyna kómektesedi.
«Dara» qaıyrymdylyq qorynyń qoldaýymen Qaraǵandy qalasynyń №25 jáne 36 mektepterinde ınklıýzıvti bilim boıynsha resýrstyq ortalyqtar ashyldy. Munda pedagogtar qajetti ádistemelik kómek alady. Keńes alýǵa erekshe balalardyń ata-anasy júgine alady.
Oblys ortalyǵyndaǵy tórt mektepte ınklıýzıvti bilim kabınetteri bıýdjet qarajaty esebinen jabdyqtalǵan. Olardyń barlyǵy zamanaýı standarttarǵa saı keledi. Kabınet tórt aımaqty qamtıdy: jalpy sabaqtar, jeke sabaqtar, sensorlyq jeńildetý jáne muǵalim buryshy.
«Búgingi tańda Qaraǵandyda segiz ınklıýzıvti kabınet jumys isteıdi. 2020-2021 oqý jylynyń basyna qaraı taǵy jeteýin ashýdy josparlap otyrmyz», - dep habarlady qalalyq bilim bólimi.
