Qaraǵandy mektebindegi órt: Oqýshylar sabaqtaryn jalǵastyrady
QARAǴANDY. QazAqparat - Qaraǵandyda shatyry janyp ketken mekteptiń oqýshylary sabaqtaryn jalǵastyratyn bolady, dep habarlaıdy QazAqparat tilshisi.
Buǵan deıin habarlaǵanymyzdaı, búgin saǵat 20.36-da Oktıabr aýdany, Shyǵys-1 shaǵyn aýdanyndaǵy №36 jalpy bilim berý mektebiniń shatyry jana bastady. Órt 22.55-te tolyǵymen sóndirildi. Jalyn mekteptiń 300 sharshy metr aýmaǵyn sharpydy. Qurbandar men zardap shekkender joq.
«Qaraǵandy oblysy Bilim basqarmasynyń basshylyǵy oqý protsesin jalǵastyrý úshin oqýshylardy basqa mektepterge ýaqytsha ornalastyrý týraly sheshim qabyldady», - dedi QR ІІM Tótenshe jaǵdaılar komıtetiniń resmı ókili Rýslan Imanqulov.
