Qaraǵandy-Máskeý reısi bir táýlikke keshikti
QARAǴANDY.QazAqparat - Qaraǵandyda «Saryarqa» áýejaıynan Qaraǵandy-Máskeý reısi boıynsha ushaq bir táýlik boıy bógeldi, dep habarlady «QazAqparat» HAA tilshisi.
«Saryarqa» áýejaıynyń óndiristik-dıspetcherlik pýnktinde «Aeroflot» kompanııasynyń ushaǵy 14 aqpanda saǵat tańerteńgi 6.05-te ushýy tıis bolǵan. Alaıda qozǵaltqyshynda aqaý shyǵyp, bógelýge týra keldi. Júzdegen jolaýshy táýlik boıy kútý zalynda otyrdy.
«Qozǵaltqyshynan aqaý shyqqan. Ony Máskeýden mamandar kelip jóndedi. Qazir bortqa jolaýshylardy otyrǵyzý aıaqtaldy», - dep habarlady «Saryarqa» áýejaıynyń óndiristik-dıspetcherlik pýnktinen.
Áýejaıda kútý zalynda jolaýshylarǵa barlyq jaǵdaı jasalǵany atap ótildi.
