Qaraǵandy mashına jasaý zaýytynyń ujymy Nur Otan seziniń sheshimin qoldady

QARAǴANDY. QazAqparat - Qaraǵandy quıý-mashına jasaý zaýytynyń qyzmetkerleri Nur Otan partııasy seziniń sheshimin qoldaıtyndaryn bildirip, úndeý qabyldady, dep habarlaıdy QazAqparat tilshisi.

25 sáýirde ótken eńbek ujymynyń jınalysy barysynda atalmysh ótinish jarııa etildi.

«Óndiris qyzmetkerleri retinde biz elimizdiń ekonomıkasyndaǵy óńdeýshi ónerkásiptiń úlesi odan ári artatynyna jáne qazirgi zamanǵy ınnovatsııalyq, ındýstrııalyq jáne básekege qabiletti tehnologııalardy eskere otyryp, tehnıkalyq jáne halyq sharýashylyǵynyń barlyq salalary kezeń-kezeńimen damıtynyna úmittenemiz. Sondyqtan bılik sabaqtastyǵynyń jan-jaqty oılastyrylǵan saıasaty men Ult kóshbasshysynyń dana sheshimin bizdiń zaýyt jumysshylarynyń barlyq eńbek ujymdary qoldaıdy», - delingen hatta.

Sondaı-aq, jınalystyń qatysýshylary saılaý árdaıym jańarýǵa jáne jańǵyrýǵa úmitti artatynyn atap ótti. Bul qazaqstandyqtardyń kúsh-jigerin shoǵyrlandyryp, búkil el úshin bolashaqqa jańa serpilis jasaýǵa kómektesetin qadam.

Zaýyt jumysshylary saılaý kezinde ýchaskelerge baryp daýys beretinderin aıtty.

«Maker (Maıker)» JShS Qaraǵandy quıý-mashına jasaý zaýyty - Qazaqstannyń taý-ken salasynyń kóp salaly joǵary tehnologııalyq kásiporny. Zaýyt taý-ken jabdyqtaryn jasaıdy jáne jóndeıdi.