Qaraǵandy kóshesindegi gúl ósirilgen qumyralar nelikten alynyp tastaldy
QARAǴANDY. QazAqparat - Qaraǵandy kóshelerinen gúlderi solǵan qysh qumyralardy birtindep alyp jatyr, dep habarlaıdy QazAqparat tilshisi.
Bıyl jazda saıabaqtar men parkterde, kóshelerde 150 myń aspaly shyraıgúl ilinip, qala sánin keltirip turdy. Olar sáýirden maýsymǵa deıin birneshe kezeńde otyrǵyzyldy. Qaraǵandy ákimdigine qarasty Mádenıet, demalys jáne gúlzarlar parkteri mekemesiniń jumysshylary ázirge tek solǵan gúlderdi jınap jatyr. Qalǵandary qyrkúıektiń sońyna deıin turady jáne olardy burynǵysha sýǵara bermek.
Qazirgi tańda basqarma qyzmetshileri Nurken Ábdirov, Respýblıka, Qurylysshylar dańǵyldarynda, Magnıtogor kóshesinde jáne qalanyń basqa da bólikterinde eńbek etip jatyr.
Osy maýsymda joldardyń boıynda 7 500, baǵanalarda 730 aspaly qumyra, alańdarda, gúlzarlar men saıabaqtarda 166 sándik gúl qurylymdary, magıstraldik tasjoldardyń bólý jolaǵynda 83 gúl arkalary ornatyldy.
