Qaraǵandy kóshelerin tazalaıtyn quny mlrd. teńge turatyn arnaıy tehnıka syıǵa tartyldy
QARAǴANDY. QazAqparat - Oblys ortalyǵynyń kóshelerin tazartý úshin jańa arnaıy tehnıkalardyń kiltin Qaraǵandy oblysynyń ákimi Nurmuhambet Ábdibekov tabystady, dep habarlady «QazAqparat» HAA tilshisi óńir basshysynyń baspasóz qyzmetine silteme jasaı otyryp.
«Arnaıy tehnıkalardy satyp alýǵa oblystyq bıýdjetten 1 mıllıard teńge bólingen. Bul qarajatqa frontaldy júktıegishter, aryq tazalaǵysh mashınalar, jolaýshylar avtobýsy, MTZ ámbebap traktorlary, jol tazalaýshy mashınalar men vakýmdy shańsorǵyshtar, avtogreıderler, samosvaldar satyp alyndy. Aıta keterligi, satyp alynǵan tehnıkalar arasynda otandyq ónim de bar».
«Qaraǵandy - úlken qala. Bul jerde 250 kóshe, buǵan qosa 210 ártúrli ótpe joldar bar. Sanıtarlyq tazalaýdy talap etetin alańnyń jalpy aýmaǵy shamamen bes mıllıon sharshy metrdi qamtıdy, - dep atap ótti aımaq basshysy. Qalaǵa mundaı baǵaly syılyq El Táýelsizdiginiń 25 jyldyǵy qarsańynda jasalyp otyr. Bul kóshelerdi tazartýǵa arnalǵan arnaıy tehnıka 2020 jylǵa deıin aımaqtardy damytýǵa arnalǵan baǵdarlama aıasynda satyp alyndy. Buǵan qosa Qaraǵandy kommýnaldyq qyzmetteriniń jumyskerleri biryńǵaı qysqy jumys kıimmen qamtamasyz etildi.
