Qaraǵandy komandasy kókpardan respýblıkalyq týrnırde júldeger boldy

QARAǴANDY. QazAqparat – Qaraǵandylyq ártisterdiń Qaraģandy toby Taraz mańyndaǵy «Bestóbe» ıppodromynda ótken kókpardan respýblıkalyq «Óner kókpary» saıysynda úshinshi oryn aldy, dep habarlaıdy QazAqparat tilshisi.

Birinshi kezeńde qaraǵandylyq kókparshylar shymkenttik «Qulager» komandasymen jarysyp, 2:1 esebimen utyldy.

Sodan keıin kenshiler shaharynyń ókilderi Tarazdan kelgen «Áýlıe at»« komandasymen baq talastyryp, alań ıelerin 3:1 esebimen jeńdi.

Úsh goldyń ekeýin kapıtan Erik Tezekbaev jáne bir goldy Danııar Dúısenbaev soqty.

Úshinshi oryn úshin kúreste Qaraģandy 4:1 nátıjesimen almatylyqtardy jeńdi. Taǵy da Erik Tezekbaev (úsh) pen Danııar Dúısenbaev (bir) gol soqty.

Esterińizge sala keteıik, kókpardan ártister arasynda týrnır alǵash ret ótkizildi. Jarysty uıymdastyrýshy - Qazaqstan Respýblıkasy Ulttyq sport qaýymdastyǵy.

Joba úılestirýshisi – Qazaqstannyń eńbek sińirgen qaıratkeri, daryndy jastar memlekettik syılyǵynyń laýreaty Dosymjan Tańatarov.

Týrnırge Qaraǵandy, Shymkent, Almaty, Nur-Sultan qalalarynyń tanymal adamdary qatysty. Qatysýshylar arasynda kompozıtor Baýyrjan Esebaev, akter Madııar Serikbaev, kıno juldyzy Táýekel Músilim, «Qazaqstan daýysy» jobasynyń jeńimpazy Shahrızat Seıdahmet, ánshiler Baǵlan Ábdiraıymov, Serik Ibragımov jáne basqalar boldy.

Kókpardan respýblıkalyq týrnır Qazaqstan táýelsizdiginiń 30 jyldyǵyna jáne halyq aqyny Jambyl Jabaevtyń 175 jyldyǵyna arnaldy.