Qaraǵandy kitaphanasynda «Shyn júrekten kitap syıla!» aktsııasy ótýde

QARAǴANDY. QazAqparat – 8-11 aqpan aralyǵynda J. Bekturov atyndaǵy Qaraǵandy oblystyq jasóspirimder kitaphanasynda «Shyn júrekten kitap syıla!» aktsııasy ótedi. Іs-shara 14 aqpan - Halyqaralyq Kitap syılaý kúnine oraılastyryldy, dep habarlaıdy QazAqparat tilshisi.

Іs-sharany uıymdastyrýshylardyń aıtýynsha, aktsııanyń basty ıdeıasy – adamdardy bir-birine jaqsy kitaptar syılaýǵa shabyttandyrý jáne qaǵaz kitaby ózekti syılyq bolyp qala beretinin jáne qundylyǵyn joǵaltpaıtynyn kórsetý.

Balalarǵa qyzmet kórsetý bóliminde sóreler jasalady, onda kishkentaı jáne eresek oqyrmandar ózderine unaıtyn kez kelgen kitapty jeke kitaphanasyna ala alady.

Al 13 aqpanda jasóspirimderge qyzmet kórsetý bóliminiń mamandary kitaphana holynda «Oqyrman! Syılyq retinde kitap alyńyz!» atty kórme uıymdastyrady. Munda janr men mazmuny boıynsha ártúrli kitaptardy tabýǵa bolady.

Sondaı-aq, kez kelgen adam óz kitaptaryn kitaphanaǵa syıǵa tarta alady.