Qaraǵandy kitaphanalary elektrondy júıege kóship jatyr
Oqyrmandarǵa yńǵaıly bolý úshin kitaphana qoryndaǵy kitaptar tsıfrlanyp, ǵalamtorǵa jarııalanýda.
«Sandyq júıege aýysqan kitaphanalar búgingi tańda eń tıimdi jáne suranysqa ıe resýrstar bolyp tabylady. Kitaphana qyzmetinde aqparattyq-kommýnıkatsııalyq tehnologııalardyń jyldam damýy halyq arasynda suranysqa ıe. Qaraǵandy oblysynda elektrondy kitaphana qoldanýshalarynyń sany jyl basynan beri 64772 adamdy qurady»,-deıdi Erkebulan Aǵymbaev.
Elektrondy formatqa aýysy boıynsha jumystar birneshe jyl buryn bastalǵan.
«Bul baǵytta bizdiń kitaphana burynnan jumys jasap jatyr. Kitapdardy tsıfrlandyrý bir jaǵynan qordy saqtaý úshin qajet. Búgingi kitaphana 80-90 jyldardaǵy kitaphanadan erekshelenedi. Qazir bizde barlyq jerde kompıýterler tur, 2003-shi jyldan bastap elektrondy katalog jumys jasaıdy, ǵalamtorda kitaphanamyzdyń saıty bar, oqyrman zalynda wi-fi jumys isteıdi. Munyń barlyǵy oqyrmandarymyz úshin jaqsy jaǵdaılar jasaý jáne alǵa jyljý úshin qajet»,-dep túsindirdi «Abaı atyndaǵy Qaraǵandy oblystyq balalar kitaphanasy» KMM jetekshisi Baıan Ýataeva.
Kitaphana saıtynda oqyrmandar oqýǵa alǵan kitaptyń merzimin uzarta alady, kkeńesshige saýal qoıyp, kitaphanada ótetin aktsııalar týraly bile alady.
N.V.Gogol atyndaǵy Qaraǵandy oblystyq ámbebap ǵylymı kitaphanasy da elektrondy jumys formatyna aýysyp jatyr.
- Biz 2002-shi jyly ólketaný boıynsha kitaptardy elektrondy formatqa aýystyra bastadyq. Osylaısha biz vırtýaldy kitaphanaǵa jyljýdamyz. Degenmen, kitaphana óz qyzmetin joǵaltpaıdy, ol - áńgimelesý orný, kitaptar qoımasy jáne bilim ortyǵy bolyp qala beredi. Bizde «Sary-Arqa» elektrondy kitaphanamyz bar, ár oqyrman ol jerden oblysymyzdyń tarıhyna qatysty kez kelgen maqalany nemese kitapty ala alady,-deıdi N.V.Gogol atyndaǵy Qaraǵandy oblystyq ámbebap ǵylymı kitaphananyń ǵylymı hatshysy Valentına Pak.
Onyń sózinshe, elektrondy kitaphanany qurý kezinde olardyń maqsatty jáne oqyrmandyq negizin, quramyn jáne qurylymyn, elektrondy qujattardyń katalogızatsııalyq tehnologııasyn, baǵdarlamalyq qamsyzdandyrýy men basylymdardy jınaý basymdyǵyn eskerý kerek.
«Elektrondy kitaphanany uıymdastyrýdaǵy basty másele, ol - avtorlyq quqyq. Biz jarııalanǵanyna 70 ótken, onyń ózinde jazýshynyń muragerleri qarsy bolmasa ǵana kitapty tsırflandyryp, ǵalamtorǵa sala alamyz. Elektrondy format - zamanaýı kitaphanalardy damytýdyń negizgi basymdyǵy»,-deıdi Valentına Pak.
Vırtýaldy kitaphanany jasaýda qyzmetkerlerge kederdi keltiretin taǵy bir másele - ol kadrlar men materıaldyq-tehnıkalyq bazanyń jetispeýi.
Qaraǵandy oblysynyń mádenıet, muraǵattar men qujattama basqarmasynyń málimetteri boıynsha 2018-shi jyly oblys boıynsha kitaphanaǵa tirkelgender sany 144 207 oqyrmandy quraıdy. Olardyń 52 371 aýyldyq jerlerde turady.