Qaraǵandy kásipkerleri kolledjge 4 mln teńgeniń jabdyqtaryn alyp berdi
QARAǴANDY. QazAqparat - Kásipkerler qajetti mamandardy jumysqa tartý úshin Qarǵandydaǵy kolledjge oqý quraldaryn satyp áperip, aldyńǵy qatarly tehnıkalar zerthanasyn jabdyqtaýda, dep habarlaıdy «QazAqparat» HAA tilshisi.
Shaǵyn jáne orta bızneste baılanys salasynyń mamandary jetispeıdi. Kásipkerler kolledjderdiń joǵary bilikti mamandardy daıarlap shyǵarýy úshin bilim ordalaryndaǵy zerthanalardy jabdyqtap, materıaldyq jaǵynan kómek qolyn sozýda.
«Kásipkerler ındýstrııaldy-tehnologııalyq kolledji óz qamqorlyqtaryna alyp, qajetti qural-jabdyqtarmen qamtamasyz etýde.
Kolledjde quramyna birneshe kásipker kiretin qamqorshylyq keńesi quryldy, kelisimshart aıasynda oqý protsessinde stýdentterge qajetti barlyq quraldarmen jabdyqtaýda», - dep habarlady óńirlik kásipkerler palatasynyń baspasóz qyzmeti. 
Óńirlik kásipkerler kolledjdiń zerthanasyn 4 mıllıon teńgege jabdyqtarmen qamtamasyz etti.
«Kolledjde «Elektr baılanysy syzyqtyq qurylǵylaryn jáne symdy habar taratýdy eksplýatatsııalaý» mamandyǵy boıynsha dýaldi oqytýdy engizý is-sharasyn júzege asyrý maqsatynda tórt fırmamen tórttarapty kelisimshart jasaldy. Kásipkerlerdiń arqasynda bilim oshaǵymyzdyń materıaldyq-tehnıkalyq bazasyn jańarttyq: zamanaýı tehnıkalarmen jabdyqtalǵan zerthana ashtyq», - dedi kolledj dırektory Irına Kısıleva.
Qazir stýdentter oqýǵa arnalǵan barlyq qajetti quraldarmen jabdyqtaldy. Bul kómek olardyń oqýǵa degen yntasyn arttyrdy.
