Qaraǵandy qalasynda emxanada pedıatrııa ortalyǵy ashyldy
ASTANA. QazAqparat - Qaraǵandy qalasynyń №3 emxanasynda pedıatrııa ortalyǵy jumys isteı bastady. Onda jańa týǵan nárestelerden bastap, alty jasqa deıingi balalar em alatyn bolady.
Pedıatrııa ortalyǵy emxananyń bir bóliginde, ekinshi qabatta ornalastyrylyp, jabdyqtalǵan. Munda jóndeý jumystary ótkizildi: qabyrǵalary jarqyn tústerge syrlanǵan jáne japsyrmalarmen árlengen, jańa jıhaz, oıynshyqtar, keńselik texnıka satyp alynǵan. Dárigerler úshin jańa ýnıformaǵa tapsyrys berildi - olar ańdar men mýltıplıkatsııalyq keıipkerlerdiń sýretteri salynǵan kıimder kıedi. Mamandar osylaısha medıtsınalyq qyzmetkerlerge balalardy qorqyp qalmaıtyndaı etip, ózderine baýlyp alý ońaı bolady dep esepteıdi.
- Ortalyqta 16 pedıatr jumys isteıdi. Olar jańa týǵannan bastap alty jasqa deıingi 8000 balalardy baqylaıdy. Sondaı-aq munda aldyn ala jazylý boıynsha salalyq balalar dárigerleri de jumys isteıdi. Balany damytý ortalyǵy bar, onda júkti áıelder men analarǵa balany qalaı kútý, úıińizdi qalaısha qaýipsiz etý, bosaný kezinde ózińizdi qalaı ustaý kerektigi týraly aıtylady, - deıdi emxana dırektory Sánııa Bornqulova.
sonymen qosa pedıatrlyq ortalyqta tońazytqysh, as úı jabdyqtary bar axýaldyq ortalyq uıymdastyryldy. Al jaqyn arada munda eoektr plıtasy ornatylady. Jas analardy munda tóstegi balaǵa alǵashqy botqalar men ezbelerdi qalaı daıyndaý kerektigi úıretiledi.
Ortalyqty jabdyqtaýǵa eki aı ýaqyt jumsalǵan. Osyǵan deıin bul jerde otbasylyq densaýlyq ortalyǵy ornalasqan bolatyn. Emxana ákimshiligi amerıkalyq jáne ıtalıandyq áriptesteriniń tájirıbesin ala otyryp, pedıatrııa ortalyǵyn ashýdy sheshken.
