Qaraǵandy qalasynda eki kún ishinde 60-tan astam zeınetker revaktsına saldyrdy

QARAǴANDY. QazAqparat - Qaraǵandy oblysynda 60 jastan asqan adamdar men medıtsına qyzmetkerlerin qaıta vaktsınatsııalaý bastaldy. Amerıkandyq Pfizer preparatynyń nemese otandyq QazVac vaktsınasynyń úshinshi, údetkish dozasyn tirkelgen jerdegi emhanadan alýǵa bolady, dep habarlaıdy QazAqparat tilshisi.

«Pfizer preparaty 18 jasqa deıingi jasóspirimderdi, júkti áıelderdi (júktiliktiń 16-30 aptasy) jáne balasy eki jasqa tolǵan emizetin analardy vaktsınatsııalaý úshin qoldanylady. Revaktsınatsııa úshin ol medıtsına qyzmetkerleri men 60 jastan asqan adamdar úshin qoldanylady», – deıdi qalalyq alǵashqy medıtsınalyq-sanıtarlyq kómek ortalyǵynyń dırektory Tatıana Bashırova.

Eki táýlik ishinde vaktsınatsııa ortalyǵynda 60-tan astam zeınetker úshinshi ret egildi.

QR Densaýlyq saqtaý mınıstrligi búgingi kúni óńirlerde vaktsınatsııalaý úshin «Spýtnık V», QazVac, Vero Cell (Sinopharm), Pfizer (balalar, júkti jáne bala emizetin áıelder úshin) qoljetimdi ekenin habarlaıdy. Revaktsınatsııa úshin - QazVac, Vero Cell (Sinopharm), Pfizer (60 jastan asqan adamdarǵa), sondaı-aq qańtar aıynyń sońynda «Spýtnık Laıt» vaktsınasy qoljetimdi bolady.