Qaraǵandy qalasynda birneshe kóshedegi úıler jylýsyz qaldy

QARAǴANDY. QazAqparat – Qaraǵandy qalasynda jerasty qubyry jaryldy. Nátıjesinde birneshe kóshe az jylytý rejimine aýystyryldy. Sondaı-aq apat saldarynan «Teplotranzıt» JShS úsh qyzmetkeri zardap shekti, dep habarlaıdy QazAqparat tilshisi.

10 qańtarda saǵat 13: 00-de M3 jylý magıstraliniń jer astyndaǵy qubyry jaryldy.

Apat saldarynan M. Mamyraev, Kógildir toǵan, Ońtústik-Shyǵys sektor, Goncharnaıa, Zonalnaıa, Orlov, Molokov, ıÝbıleınaıa, Novoselov, Komıssarov, Poletaev, Ermekov, Anjerskaıa kósheleri jáne Nurken Ábdirov dańǵylynyń boıyndaǵy turǵyn úıleri tómen jylytý aınalymy rejimine aýystyryldy.

«Aqaýdy joıý úshin 6 apattyq-qalpyna keltirý brıgadasy, 11 arnaıy tehnıka jumyldyryldy. Sondaı-aq, buryn osy ýchaskede jóndeý jumystary júrgizilmegenin habarlaımyz. Aqaý shamamen 4 saǵatta joıylady dep josparlanyp otyr. Keltirilgen qolaısyzdyqtar úshin keshirim suraımyz», - dep habarlady Qaraǵandy qalasy áimdiginiń baspasóz qyzmeti.