Qaraǵandy qalasynda báıge túrleri boıynsha ashyq oblystyq týrnır ótti
QARAǴANDY. QazAqparat - Qaraǵandy qalasynda bıylǵy jyldyń 26 maýsymy kúni Qazaqstan Respýblıkasy Táýelsizdiginiń 30-jyldyǵyna jáne astana Kúnine arnalǵan báıge túrleri boıynsha ashyq oblystyq týrnır ótti, dep habarlaıdy QazAqparat.
Osy aýqymdy da, kórnekti ulttyq sport túri boıynsha jarysta jeńis úshin elimizdiń óńirlerinen 150(!) shabandoz baq synasty. Birinshiliktiń ashylý jáne marapattaý rásimine óńirimizdegi ulttyq sport túrleri qaýymdastyǵynyń basshysy Nurserik Sháripov, Qaraǵandy oblysy ákiminiń orynbasary Abzal Núkenov, Qaraǵandy oblysynyń jaýyngerlik óner qaýymdastyǵynyń qurmetti prezıdenti Kendebaı Adambekov, Dene shynyqtyrý jáne sport basqarmasynyń basshysy Temirhan Abylaev jáne basqalar qatysty.
Týrnır keleshekte ıppodrom salynatyn jáne sportshylarymyzdyń jattyǵýlary úshin laıyqty óz bazasy bolatyn jerde ótkenin atap ótken jón. Buǵan qosa, bul respýblıkalyq, tipti halyqaralyq deńgeıdegi jarystardy ótkizýge múmkindik beredi, ári ulttyq sport túrlerine qyzyǵýshylyq týdyryp, álbette, jaqsy nasıhat bolady.
Ótken senbi kúni bolǵan báıge jarysy – sonyń aıǵaǵy. Báıge jarysynyń barlyq túrlerinde - taı jarysy, qunan jarysy, top báıge jáne árıne, alaman báıge – qatań, tartymdy saıys boldy. Úzdik jigitter men eń júırik attardyń ıeleri Qaraǵandy oblysynyń ulttyq sport túrleri qaýymdastyǵynyń demeýshiligi esebinen baǵaly syılyqtarmen, kýboktar jáne medaldarymen, marapattaldy.
Alaman báıgede (25 sh.) basty júlde – avtokólik, báıgeniń taǵy eki túrinde (taı jáne qunan jarysy) – mototsıklder, top báıgede – aqshalaı syılyq 1 mln.tg. Ekinshi orynnan bastap besinshi orynǵa deıin ıe bolǵan júldegerler aqshalaı syılyqtarmen marapattaldy. Sonymen qatar Qaraǵandy oblysynyń jaýyngerlik óner Qaýymdastyǵy úsh nomınatsııa boıynsha arnaıy syılyqtar taǵaıyndady. Týrnırdiń uıymdastyrylýy men joǵary deńgeıde ótkizilýine Qaraǵandy oblysynyń «Arqa» báıge federatsııasy úlken úles qosty.
Jarys qorytyndysy boıynsha jeńimpazdar men júldegerler ataǵyn jeńip alǵandar:
Alaman báıge
І- oryn – Almaty oblysy, Sekenaı Bóbekbaı (Mamaıqara)
ІІ - oryn – Jambyl oblysy, Berik Ońalbaev (Qaraqus)
ІІІ - oryn – Aqtóbe, Qazbek Áleshev (Qaınar)
Top báıge
І - oryn – Qaraǵandy oblysy, Nurlybek Muhamedııarov (Botagóz)
ІІ - oryn – Baıanaýyl, Sútjan Karımov (Jelqara)
ІІІ - oryn – Jambyl oblysy, Jandos Qadyrmanov (Espera)
Qunan báıge
І - oryn – Jambyl oblysy, Murat Óserbaev (Quralaı)
ІІ - oryn –Shyǵys-Qazaqstan oblysy, Qýat Úsenov (Qaraqat)
ІІІ - oryn – Almaty oblysy, Іle aýd, Jankolıkov áýleti (Lıder)
Taı jarys
І - oryn – Qaraǵandy oblysy, Nura aýdany, Nurlan Namysov (Nuraqasqa)
ІІ - oryn – Qaraǵandy oblysy, Jańaarqa aýdany, Ásen Salamat (Aqbota)
ІІІ - oryn – Qaraǵandy oblysy, Jańaarqa aýdany, Temirhan Toqbergenov (Aqqoıan).
