Qaraǵandy qalasynda aýa sapasy nasharlaıdy
ASTANA. QazAqparat - 20 qyrkúıek kúni meteorologııalyq jaǵdaılar elimizdiń bir qalasynda aýada lastaýshy zattardyń shoǵyrlanýyna yqpal etedi, dep habarlaıdy QazAqparat.
«Qazgıdromet» RMK-nyń málimetinshe, beısenbi kúni Qaraǵandy qalasynda ǵana jaǵymsyz meteojaǵdaı qalyptasady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldimekenderdegi atmosferalyq aýanyń sapasy nasharlaýy yqtımal.
