Qaraǵandy qalasynda áleýmettik ınfraqurylym qarqyndy damýda
QARAǴANDY. QazAqparat – Qaraǵandynyń Prıshahtınsk shaǵyn aýdanynda eki basseıni bar dene shynyqtyrý-saýyqtyrý kesheni ashylady, dep habarlaıdy QazAqparat tilshisi.
Atalmysh aýdanda sondaı-aq jeke mektep jumys isteıdi. Memlekettik balabaqsha pılottyq ınklıýzıvti alań boldy.
Bılik ókilderi kásipkerlermen áriptestik sheńberinde oblys ortalyǵynyń shetkeı aýdandarynyń turǵyndaryn sapaly qyzmettermen qamtamasyz etý úshin sol shaǵyn aýdandardy damytýda.
Oblys ákimi Jeńis Qasymbek Oktıabr aýdanynyń áleýmettik nysandaryn aralady. Aımaq basshysy ınfraqurylym qurý úshin taǵy ne isteý kerektigin surady.
Prıshahtınskiniń 22-shi móltek aýdandaǵy sport keshenin kásipker Vladımır Nefedov óz qarjysyna salýda. Bıznesmen osy jerde ósken, sondyqtan balalyq shaǵy ótken shaǵyn aýdannyń qazirgi jaǵdaıy jáne bolashaǵy tolǵandyratynyn jetkizdi.
«Keshendi bıyl ashamyz dep josparlap otyrmyz. Úsh qabatty sport kesheniniń ǵımaratynda eki basseın bar. Akvaaerobıka basseıni 14 metr, júzý basseıni 25 metrlik. Kúres zalyn, massaj kabınetin, fıtnes-zalyn jabdyqtaımyz. Az qamtylǵan otbasylardyń balalary sabaqqa tegin barady», - dedi «Atlant Bıldıng» JShS dırektory Vladımır Nefedov.
Kásipker sondaı-aq sporttyq baǵyttaǵy aýla klýbtaryn damytýǵa nıetti.
«Sizdiń bastamalaryńyz – «Rýhanı jańǵyrý» baǵdarlamasynyń jarqyn mysaly. Biz osyndaı jobalardy qoldaımyz», - dep atap ótti Jeńis Qasymbek.
Oblys ákimi balalar men jasóspirimder sport mektebine bardy. Munda jas sportshylardyń jetistikteri týraly aıtyldy. Tárbıelenýshiler sporttyń 9 túrimen aınalysady. Olardyń arasynda álem chempıonattarynyń qatysýshylary, ulttyq quramanyń músheleri bar.
BJSM basshysy Ashat Ahmetovtiń aıtýynsha, Prıshahtınsk aýdanynda kúres zaly jetispeıdi. Jeńis Qasymbek bul máseleni sheshýge ýáde berdi.
Oblys ákimi sondaı-aq densaýlyq saqtaý jáne bilim berý mekemelerinde boldy. Prıshahtınsk, Suryptaý jáne Maıqudyq turǵyndaryna qyzmet kórsetetin jańa balalar emhanasyn aralap ótti. Medıtsınalyq uıym kózdi tekserý jáne lor-operatsııalar júrgizý úshin zamanaýı jabdyqtarmen jabdyqtalǵan.
Jeńis Qasymbek qandaı mamandardyń eń kóp suranysqa ıe ekendigin jáne MÁMS engizgennen keıin oń ózgerister bar-joǵyn surady.
«Pedıatrlar men terapevterge jıi júginedi. MÁMS engizgennen keıin KT jáne MRT kóp ótkize bastadyq. Eger buryn osyndaı 3-4 protsedýra ótkizgen bolsaq, bıylǵy jyldyń qańtarynda olardyń sany 10 esege artty. Medıtsınalyq saqtandyrý júıesiniń arqasynda bizdiń zerthana jasaıtyn taldaýlar tizimi keńeıdi», - dep atap ótti emhana dırektory Marına Matveıchýk.
Oblys ákimi memlekettik tapsyrys ornalastyrylǵan Bastau jeke mektebiniń jumysymen tanysty. Inklıýzıvti bilim berýdi damytý máseleleri «Almagúl» memlekettik balabaqshasynda talqylandy. Mektepke deıingi mekemede erekshe qajettilikteri bar 200-den astam bala tárbıelenýde.
Jeńis Qasymbek Suryptaý shaǵyn aýdanyndaǵy «Lokomotıv» sport kesheninde de boldy. Onyń bazasynda buqaralyq sport túrlerinen BJSM jumys isteıdi. Jóndeý jumystarynan keıin fýtboldan respýblıkalyq jarystar qabyldaýy múmkin. Eresekter men balalarǵa arnalǵan basseın bar. Jazda mektep sport lagerin uıymdastyrady.
Sapar qorytyndysy boıynsha oblys ákimi Oktıabr aýdanynda áleýmettik ınfraqurylymdy damytý jóninde tapsyrma berdi.
