Qaraǵandy qalasynda 4 jasar qyzdy urlap ketken reseılik astanada ustaldy

ASTANA. QazAqparat – Qaraǵandy qalasynda 4 jasar qyzdy urlap ketken reseılik astanada ustaldy, dep habarlaıdy QazAqparat polisia.kz telegram kanalyna silteme jasap.

Qaraǵandy qalasynyń PB Ortalyq PB-ge 25 jastaǵy qala turǵyny aryzdanǵan. Buryn birge turǵan Reseı Federatsııasynyń 34 jastaǵy azamaty onyń 4 jasar qyzyn urlap ketken.

Atalǵan fakt Ortalyq PB-de QR QK 125-babynyń 2-tarmaǵy, ıaǵnı «Kámeletke tolmaǵan adamǵa qatysty jasalǵan adam urlaý» boıynsha tirkeldi.

13 maýsymda keshendi jedel-izdestirý is-sharalary barysynda Qaraǵandy oblysynyń PD uıymdasqan qylmysqa qarsy kúres basqarmasynyń jáne Ortalyq PB krımınaldyq polıtsııasynyń qyzmetkerleri Astana qalasynda kúdiktini ustady.

Urlanǵan qyz anasyna berildi. Qazir tergeý áreketteri júrip jatyr.