Qaraǵandy qalasyna 3 mektep salynady
QARAǴANDY. QazAqparat - Qaraǵandy qalasynda 3 jańa mektep salynyp jatyr, dep habarlaıdy QazAqparat tilshisi.
«Qaraǵandy qalasynyń úsh, atap aıtsaq Baýyrjan Momyshuly, 30-shy jáne Oktıabr aýdandarynda mektep qurylysy júrgizilip jatyr. Ózge mektepterde aǵymdaǵy jóndeý jumystary josparly túrde jazda júrgiziledi», - dedi agenttikke Qaraǵandy qalasy bilim bóliminiń jalpy jáne orta bilim berý sektorynyń meńgerýshisi Natalıa Golovına.
Sondaı-aq, ol bıylǵy jyly Baýyrjan Momyshuly shaǵyn aýdanyndaǵy jalpy bilim berý mekemesiniń qurylysy aıaqtalatynyn aıtty. Bul №103 mektep-lıtseı bolady. Sabaqtar qazaq jáne orys tilderinde oqytylady.
Natalıa Golovınanyń aıtýynsha, 30-shy shaǵyn aýdanynda salynatyn mektep 1200 oqýshyǵa arnalǵan. Al Oktıabr aýdanyndaǵy jańa bilim ordasynyń qurylysy 2019 jyly aıaqtalady.
Aıta keteıik, Qaraǵandydaǵy mektepter qurylysy «Nurly jol» baǵdarlamasy aıasynda júrgizilýde.
