Qaraǵandy qalasy men úsh aýdanda sý tasqyny qaýpi bar

QARAǴANDY. QazAqparat - Qaraǵandy oblysy TJD jedel toby sý tasqyny kezeńine daıyndyqty baǵalaý maqsatynda Buqar jyraý, Abaı, Shet aýdandary men Qaraǵandy qalasynyń sý tasqyny qaýpi bar ýchaskelerin aralady, dep habarlaıdy QazAqparat.

«Alǵashqy pýnkt Qaraǵandy qalasynyń Rabochıı kenti boldy. 2022 jyldyń jazǵy-kúzgi kezeńinde osy kentte qorǵanysh biligi turǵyzylyp, uzyndyǵy 7,2 km Solonka ózenine sanatsııa júrgizildi.

Sodan keıin Buqar jyraý aýdanynda Kókpekti, Baıqadam, Jastlek, Botaqara eldi mekenderi qaraldy. Shet aýdanynda - Aıǵyrjal, Aqbastaý, Pıket, Qaıraqty, Birrek, Batyq, Krasnaıa polıana, Nurataldy, Shopa, Aqqııaq, Qyzylqoı, Býrma, Aqsý-Aıýly aýyldary, Abaı aýdanynda - Abaı qalasy jáne Taszaıymka aýyly», - dep jazdy TJD-dan.

Aınalyp ótý baǵyty boıynsha joldardaǵy sý ótkizý qurylystary, eldi mekenderden qar shyǵarý, kanaldar men transheıalardy kesý, gıdrotehnıkalyq qurylystardyń jaı-kúıi, avtomatty tasqyn sý tógetin arnalardy tazartý jumystary qolǵa alynǵan.

Sý tasqynynyń aldyn alý sharalary jalǵasýda jáne baqylaýda.