Qaraǵandy qalalyq polıtsııa basqarmasyna bomba qoıyldy degen habar tústi
QARAǴANDY. QazAqparat – Búgin 112 nómirine qońyraý shalǵan belgisiz er adam Qaraǵandy qalalyq polıtsııa basqarmasynyń ǵımaratyna bomba qoıylǵanyn málimdedi, dep habarlaıdy QazAqparat tilshisi.
22 jeltoqsan kúni saǵat 16.30-da tótenshe jaǵdaılar basqarmasyna Qaraǵandy qalasynyń polıtsııa basqarmasy ǵımaratyna jarylǵysh zat qoıylǵany týraly habar tústi.
Oqıǵa ornyna Qaraǵandy oblystyq polıtsııa departamentinen barlyq shuǵyl qyzmetter tartylyp, ǵımaratta qyzmetkerler evakýatsııalandy. Tekserý kezinde jarylǵysh zat tabylǵan joq.
QR QK 273-baby «Terrorızm aktisi týraly kórineý jalǵan habarlaý» boıynsha sotqa deıingi tergeý bastaldy.
«Jedel-izdestirý is-sharalarynyń nátıjesinde jalǵan qońyraý shalǵan adam anyqtaldy. Ol 46 jastaǵy qala turǵyny bolyp shyqty. Jaǵdaıdyń mán-jaıy anyqtalýda», - dep habarlady Qaraǵandy oblysy PD baspasóz qyzmeti.
