Qaraǵandy haıýanattar baǵynda ponı qulyndady
QARAǴANDY. QazAqparat – Qaraǵandy haıýanattar baǵynda ponı qulyndady. Bul 9 sáýirde bolǵan, dep habarlaıdy QazAqparat tilshisi.
Jańa týǵan qulyn jáne onyń anasynyń jaǵdaıy jaqsy. Kishkentaı ponıdiń 9,5 keli, boıy - 57 sm.
«Bul bizdiń haıýanattar baǵyndaǵy ponıdiń 8 jyldaǵy alǵashqy tóli. Qulynnyń enesiniń aty - Zýhra. Biz ony ótken jyly bir adamnan satyp aldyq. Al ákesiniń aty Baramok. Ol 2009 jyly bizdiń haıýanattar baǵynda dúnıege kelgen. Jańa týǵan qulyn jáne onyń anasynyń jaǵdaıy jaqsy. Ponı aıaqqa turyp jatyr, biraq anasynan bir qadamǵa alystamaıdy», - deıdi haıýanattar baǵy dırektorynyń mindetin atqarýshy Gúlnár Adambekova.
Jas qulyn tek anasynyń sútimen qorektenedi, al onyń anasyna erekshe jem beriledi.
Qaraǵandy haıýanattar baǵynda barlyǵy 6 ponı jáne 20 jylqy bar. Jaqyn arada taǵy ekeýi qulyndaıdy.
Qaraǵandy haıýanattar baǵy ponıge at berý úshin onlaın baıqaý jarııalaıdy. Ol 1 mamyrǵa deıin jalǵasady. Jeńimpaz haıýanattar baǵyna tegin kirý bıletin jáne jumsaq oıynshyq ponı alady. Instagram -daǵy paraqshada haıýanattar baǵynyń jańalyǵyn oqýǵa, baıqaý sharttymen tanysýǵa bolady.
