Qaraǵandy haıýanattar baǵynda alandardy zańsyz satpaq bolǵan úsh adam ustaldy

QARAǴANDY. QazAqparat - Qaladaǵy haıýanattar baǵynda jabaıy janýarlardy zańsyz satý faktisi oryn alǵany jóninde Qaraǵandy polıtsııasyna habarlama kelip tústi, dep jazdy QazAqparat ІІM-ne silteme jasap.

Osy aqparat boıynsha oblystyń krımınaldyq polıtsııa qyzmetkerleri ІІM Krımınaldyq polıtsııa departamentimen ózara birlesip mekemeden tys jerde arystandardyń kúshigin satqan 22, 37 jáne 44 jastaǵy úsh er adamdy ustady. Olardan zattaı dáleldeme retinde 6 mln teńgege satýǵa tyrysqan eki arystan tárkilendi.

Bul fakti QR QK-niń 339-baby «sırek kezdesetin jáne quryp ketý qaýpi tóngen, sondaı-aq ósimdikter men janýarlardyń túrlerin, olardyń bólikterin nemese derıvattaryn paıdalanýǵa tyıym salynǵan túrlerimen zańsyz qarym-qatynas jasaý» boıynsha tirkeldi. Qazirgi ýaqytta odan ári tergeý sharalary júrgizilýde.