Qaraǵandy gımnazııasyndaǵy oqıǵadan keıin oqýshy múgedek bolyp qaldy
QARAǴANDY. QazAqparat - Qaraǵandy oblysynda mektep qabyrǵasynda termııalyq kúıik alǵan qyzdyń ata-anasy sot arqyly ótemaqy óndirip aldy, dep habarlaıdy «QazAqparat» HAA tilshisi.
Shet aýdanyndaǵy mektep-gımnazııada bilim alatyn oqýshy qyz synypta qaınap turǵan sýy bar sháınekti ústine qulatyp alǵan. Aýyr kúıik jaraqaty búırek syrqatyn týdyryp, onyń sońy múgedektikke alyp kelgen.
«Anyqtalǵandaı, kúıik alǵan sátten bastap qazirge deıin oqýshy Astana, Almaty jáne Qaraǵandy oblysynyń túrli medıtsınalyq mekemelerinde jyl saıyn em alyp keledi. Medıtsınalyq qyzmetter men basqa qalalarǵa barý aıtarlyqtaı materıaldyq shyǵyndy qajet etedi», - dep habarlady Qaraǵandy oblysy Shet aýdandyq sotynan.
Qyzdyń ata-anasy Jambyl Aqylbaev atyndaǵy eksperımentaldy mektep-gımnazııasynyń ákimshiliginen jáne «Shet aýdandyq bilim bólimi» memlekettik mekemesinen zalaldy ótep berýdi talap etip, sotqa aryzdanǵan.
«Sot muǵalimder jas balanyń ómiri men densaýlyǵynyń qaýipsizdigin qamtamasyz etý boıynsha mindetterdi tıisti deńgeıde atqarmady dep tapty», - dep málim etti sottan.
Sot aryzdanýshynyń materıaldyq talaptaryn zańdy dep uıǵardy.
