Qaraǵandy garnızondarynda áskerge shaqyrylǵandar alǵash ret daýys berdi

QARAǴANDY. QazAqparat - Qaraǵandyda Prezıdent saılaýynda alǵashqylardyń biri bolyp Ulttyq ulan áskerı qyzmetshileri daýys berdi. Olardyń arasynda saılaýǵa alǵash ret qatysqan áskerge shaqyrylýshylar boldy, dep habarlaıdy QazAqparat tilshisi.

Qaraǵandy oblysynda ornalasqan QR Ulttyq ulany 6505, 5451 jáne 5516 áskerı bólimderiniń jeke quramynyń ókilderi saılaý ýchaskelerinde óz tańdaýyn jasap, Qazaqstan Respýblıkasy Prezıdentiniń saılaýynda daýys berdi.

Tańerteńnen áskerıler daýys berý úshin saılaý ýchaskelerine bardy. «Ortalyq» óńirlik qolbasshylyǵy merzimdi qyzmettiń áskerı qyzmetshileri ǵana emes, ofıtserler men serjanttar da daýys berýi úshin 13 daýys berý ýchaskesin qamtamasyz etti.

1 vzvod 2 bólimshesiniń 2 atqysh sarbazy Aıdyn Álibek alǵash ret saılaýǵa qatysty.

«Alǵash ret daýys berdim. Qazir men Otan aldyndaǵy boryshymdy ótep jatyrmyn. Sondyqtan osy Otanymdy basqaratyn kóshbasshyny tańdaý bizder úshin mańyzdy», - deıdi soldat.

Qaraǵandy oblysynyń garnızondarynda daýys bergenderdiń 40% - dan astamy alǵash ret saılaýǵa qatysty.