Qaraǵandy farmatsevtıkalyq kesheni sáýirde 1,5 mln doza vaktsına óndirmek

QARAǴANDY. QazAqparat - Qaraǵandy farmatsevtıkalyq kesheni (QFK) 600 myń doza kóleminde vaktsınanyń alǵashqy iri partııasyn jetkizdi. Sondaı-aq, osy aıdyń sońyna deıin vaktsınanyń qosymsha 900 myń dozasyn jetkizý josparlanyp otyr, dep habarlaıdy QazAqparat farmatsevtıka kesheniniń Telegram-daǵy paraqshasyna silteme jasap.

Qaraǵandy farmatsevtıkalyq kesheninde vaktsına óndirisiniń kólemi sáýir aıynda 1,5 mıllıon dozaǵa jetedi.

«Jalpy, Qazaqstan aýmaǵynda «Spýtnık V» vaktsınasyna tirkeýdi alǵan kúnnen bastap Qaraǵandy farmatsevtıkalyq kesheni atalǵan vaktsınanyń 958 myń dozasy óndirip jetkizdi. Sondaı - aq, Reseıde óndirilgen «Spýtnık – V» vaktsınasynyń 52 myń dozasyn jetkizýdi júzege asyrdy», delingen habarlamada.
QFK málimdeýinshe, «Spýtnık V» vaktsınasynyń óndirisi men jetkizilýi bekitilgen kesteden erte júzege asyrylyp keledi.
«QFK qyzmetkerleri preparatty ári qaraı alyp júrý - farmakologııalyq qadaǵalaý, ıaǵnı unamsyz qubylystardy monıtorıngileý, patsıentterdiń ótinishi men shaǵymdaryn jınaý, taldaýdy júzege asyrady», delingen habarlamada.