Qaraǵandy farmatsevtıkalyq kesheni «Gam-KOVID-Vak» vaktsınasyna tirkeý kýáligin aldy
NUR-SULTAN. QazAqparat - QazAqparat - Qaraǵandy farmatsevtıkalyq kesheni (QFK) «Gam-KOVID-Vak» (Spýtnık – V) vaktsınasyna tirkeý kýáligin aldy, dep habarlaıdy QazAqparat Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegam paraqshasyna silteme jasap.
Budan buryn habarlanǵandaı, 2021 jyldyń 13 aqpanynda preparat Qazaqstan Respýblıkasy Densaýlyq saqtaý mınıstrliginiń Saraptama uıymynyń, tirkeý dereknamasynyń materıaldaryn qaraý nátıjesi boıynsha vaktsınanyń qaýipsizdigi, sapasy men tıimdiligi týraly qorytyndysy alyndy.
QR Densaýlyq saqtaý mınıstrliginiń qoldaýynyń arqasynda 15 aqpan kúni tirkeý kýáligi berildi.
Aldyn ala esepteýler boıynsha, ústimizdegi jyldyń aqpan aıynyń sońynda elimizdiń barlyq óńirlerine QFK óndirgen «Spýtnık - V» vaktsınasynyń 90 myńǵa jýyq dozasyn jetkizý josparlanýda.
Budan basqa, vaktsınany qoldaný kezinde «paıda – qaýip» araqatynasynyń úzdiksiz monıtorıngin qamtamasyz etý maqsatynda kúdikti jaǵymsyz reaktsııalar týraly DSM Medıtsınalyq jáne farmatsevtıkalyq baqylaý komıtetiniń Dárilik zattar men medıtsınalyq buıymdardy saraptaý ulttyq ortalyǵyna, sondaı-aq «Qaraǵandy farmatsevtıkalyq kesheninine habarlaý mańyzdy.
