«Qaraǵandy Energoortalyq» JShS turǵyndarǵa qaıta esepteý júrgizýge mindetteldi
«Qaraǵandy qalasy turǵyndarynyń páterdegi tómen temperatýralarǵa qatysty shaǵymdary negizinde QR Ulttyq ekonomıka mınıstrligi Tabıǵı monopolııalardy retteý komıtetiniń Qaraǵandy oblysy boıynsha departamenti «Qaraǵandy Energoortalyq» JShS-ǵa qatysty jospardan tys tekserý júrgizdi. Onyń nátıjeleri boıynsha, jetkizý jáne qaıtarý qubyrlarynda berilgen jáne naqty kórsetkishterdiń aıtarlyqtaı aýytqýy anyqtaldy. Osy kórsetkishterdiń negizinde sýbekti kórsetetin qyzmetter belgilengen sapaǵa sáıkes kelmeıtini anyqtaldy», - delingen mınıstrlik komıtetiniń aqparatynda.
Osylaısha, «Qaraǵandy Energoortalyq» JShS-ǵa Ákimshilik quqyq buzýshylyq kodeksiniń 164-baby 4-bóligimen 4 667 200 teńgeaıyppul salyndy.
«Sondaı-aq, qoldanystaǵy zańnamaǵa sáıkes úıge ortaq esepteý quraldary joq tutynýshylarǵa tolyq jetkizilmegen jylý energııasy úshin qaıta esepteý júrgiziledi. Qaıta esepteý 2020-2021 jj jylytý maýsymy aıaqtalǵan soń júrgiziletinin habarlaımyz», - dedi komıtetten.