Qaraǵandy emhanalary áleýmettik jelilerde tikeleı efır ótkizýde
Alǵashqy kómek uıymdarynyń áleýmettik jelilerdegi jumysy jandandyryldy.
Mamandar naqty ýaqyt rejiminde Instagram akkaýnttarynda adamdarǵa keńes
beredi.
Oblystyń barlyq 46 emhanasy tikeleı efır ótkizdi. Patsıenttermen jáne
jazylýshylarmen baılanysqa birinshi basshylar shyqty. Olar koronavırýstyq
ınfektsııanyń aldyn alý jáne ony emdeý tásilderi týraly aıtyp, suraqtarǵa
jaýap berdi.
«Dáriger.onlaın» maýsym aıynda bastaldy. Biz patsıenttermen tikeleı efır arqyly osyǵan deıin de aralasqan bolatynbyz. Alǵys aıtyp jazyp jatqan pikirlerge qaraǵanda, mundaı baılanys adamdarǵa óte qajet. Pandemııa men
karantın alańdaýshylyq týdyrdy. Internet keńistiginde tekserilmegen aqparatqa súıenbeı, quzyretti mamandardan túsiniktemeler alý mańyzdy», - deıdi «Qalalyq alǵashqy medıtsınalyq-sanıtarlyq kómek ortalyǵy» JShS dırektorynyń emdeý isi jónindegi orynbasary Svetlana Vıtt.
Onyń aıtýynsha, jeke qaraýdy talap etetin jaǵdaılarda suraqtar jeke tártipte pysyqtalady.
Máselelerdiń basym bóligi josparly kómek kórsetýge, dári-dármekpen qamtamasyz etýge, dıagnostıkaǵa, tar mamandardan keńes alý múmkindigine qatysty boldy.
Emhanalarda temperatýrasy joǵary patsıentterdi qabyldaıtyn súzgi bólimshesi
uıymdastyrylǵan. Shaqyrtýlar boıynsha úıge baratyn dárigerler men medbıkelerden quralǵan mobıldi brıgadalar jumys isteıdi.
Dárigerler turǵyndardan ózin-ózi emdeýden bas tartyp, mamandardan kómek
suraýdy ótinedi. Áleýmettik jelilerde konsýltatsııalar men baılanys jalǵasady. Instagram-da pnevmonııa aýrýymen aýyrǵandar úshin tynys alý gımnastıkasy boıynsha jadynamalar jarııalanady. Aq halattylar emhana patsıentterimen onlaın-baılanysqa ár apta saıyn shyǵýǵa ýáde beredi.
