Qaraǵandy din ókilderi jelidegi ekstremızmniń aldyn alýdy qoldaıdy
«Vaınah» oblystyq sheshen-ıngýsh etnomádenı birlestiginiń aqsaqaly Movldı Abaev jergilikti bıliktiń mindeti dinı birlestiktermen dıalog ornatý ǵana emes, ekstremızm qaýpine qarsy turý ekenin de atap ótti.
«Ǵalamtorda, áleýmettik jelilerde dinı ekstremızmdi nasıhattaýdyń aldyn alatyn jumys júrgizý qajet jáne qoǵamda radıkaly sıpattaǵy kez kelgen áreketke tózbeýshilikti qalyptastyrý kerek. Óskeleń urpaqtyń rýhanı-adamgershilik tárbıesi boıynsha qosymsha qadamdar qabyldaý kerek», - dep tolyqtyrdy dóńgelek ústel qatysýshylary.
Qaraǵandy oblysy úshin dinı saladaǵy jumystar aıryqsha mánge ıe. Óńirde 18 túrli din ókilderiniń 15-i qatysty.
Óńirde 21 din birlestik pen onyń fılıaldary jumys isteıdi. Onyń 138-i ıslam dinin ýaǵyzdaıdy, pravoslavıe - 27, katolıtsızm - 18, protestantızm - 127, ıýdaızm - 2, dástúrli emes - 2 birlestik bar. Oblys aýmaǵynda 254 dinı ǵımarat bar: musylman meshitteri - 138, pravoslav shirkeýi - 26, katolık shirkeýi - 18, protestant shirkeýi - 71, ıýdeı sınagogasy - 1. Oblys aýmaǵynda 57 sheteldik mıssıoner óz qyzmetin júzege asyrýda.
Qaraǵandy oblysynda dinı ekstremızmniń aldyn alý buqaralyq aqparat quraldary arqyly júrgizilýde. JOO men kolledjderde qurylǵan ınternet-toptar áleýmettik jeli arqyly arqyly jastarǵa aqparat beredi, Ýatsap messendjeri qoldanylady.
«Ultaralyq jáne konfessııaaralyq kelisimdi saqtaý ishki saıasat bóliminde aldyńǵy orynǵa qoıylǵan, onyń arqasynda ishki saıası turaqtylyq qana emes, el qaýipsizdigine qol jetkizildi», - dedi Qaraǵandy oblysy din isteri basqarmasynyń basshysy Nurlan Bıkenov.
