Qaraǵandy dárihanalaryna medıtsınalyq maskanyń alǵashqy partııasy kelip tústi

QARAǴANDY. QazAqparat – Qaraǵandy oblysynda emhanalar janynda ornalasqan barlyq áleýmettik dárihanalarǵa medıtsınalyq maskalardyń alǵashqy partııasy jetkizildi, dep habarlaıdy QazAqparat tilshisi.

«Búgin, 12 naýryzda Qaraǵandy oblysynyń áleýmettik dárihanalaryna medıtsınalyq maskalardyń alǵashqy partııasy ákelindi. «MF Mereı» JShS ótken aptada Qaraǵandy oblysyn qamtamasyz etý úshin úsh qabatty medıtsınalyq maskalar óndirisin iske qosty», - dep málimdedi Qaraǵandy oblysynyń Densaýlyq saqtaý basqarmasy.

Sonymen qatar vedomstvoda maska oblystyń áleýmettik dárihanalarynda 40 teńgeden satylyp jatqanyn jetkizdi.

Oblys bıligi koronavırýs ınfektsııasynyń paıda bolýyna jol bermes úshin barlyq qajetti sharalardy qabyldaýda.

«Búgingi kúni Qazaqstan Respýblıkasynyń aýmaǵynda koronavırýs ınfektsııasy tirkelgen joq» deıdi densaýlyq saqtaý basqarmasynyń baspasóz qyzmeti.

⠀