Qaraǵandy basshylyǵy jolaqy jeńildikterin monetızatsııalamaq
QARAǴANDY. QazAqparat - Qaraǵandy qalasynyń ákimi Nurlan Áýbákirov óńirlik Ortalyq kommýnıkatsııalar ortalyǵynyń alańynda tilshilerdiń suraqtaryna jaýap bere kele, tasymaldaýshylardyń jolaqyny kóterý talaptaryna qatysty pikirin bildirdi.
«Búgingi - 80 teńge kólemindegi tarıf 2013 jyly bekitilgen. Biraq onda avtoparkter oryndaýy tıis bolǵan kóptegen mindettemeler boldy. Búgingi kúni olardyń deni oryndalǵan joq. Tarıfterdi kóterý arqyly problemany sheshemiz dep oılamaımyn. Sebebi naryq zańnamasy bar», - dep atap ótti N.Áýbákirov.
Onyń aıtýynsha, tasymaldaýshylardyń tarıfti arttyrýǵa qatysty esepteri 115-150 teńge aralyǵynda bolyp otyr.
Qala ákimi sondaı-aq, avtoparkterdiń shyǵynyn jabý úshin bıýdjetten sýbsıdııa bólý máselesin orynsyz dep sanaıdy.
Onyń málimetinshe, avtoparkter jyl saıyn bıýdjetten 1 mlrd.-tan astam teńge alyp otyr. Bul aqsha áleýmettik álsiz jandardyń, mektep oqýshylary men stýdentterdiń jolaqysyna bólinedi.
«Avtobýstar jumysynyń toqtaýyna jol bermeıik. Durys joldy qarastyratyn bolsaq, jeńildikter monetızatsııasyn engizý usynysyna qalaı qaraısyzdar. ıAǵnı naqtyly adamǵa naqtyly aqshany aýdaramyz, ony jol júrý aqysyna nemese nan, dári-dársmekter satyp alýǵa jumsaıdy ma, ony ózi sheshedi. Al jolaqysy - tarıf bárine ortaq», - dedi ol.
Ákim máslıhat depýtattarynyń, qoǵamdyq keńesterdiń pikirlerin nazarǵa alýǵa ýáde etti.
