Qaraǵandy-Balqash jolynyń bóligi sý tasqynynyń saldarynan jabyldy
ASTANA. QazAqparat - Qaraǵandy oblysynda aǵyn sýdyń tasýynyń saldarynan taǵy bir jol jabyldy.
«Qazavtojol» RMK málimetteri boıynsha, 15 sáýir saǵat 01-45-ten bastap, aǵyn sýdyń tasýynyń saldarynan respýblıkalyq mańyzdaǵy «Almaty-Ekaterınbýrg» avtojolynyń (1007-641 km, Karaǵandy-Balqash) bóligi barlyq kólik túrleri úshin jabyldy.
Budan bólek, 13 sáýirden bastap, sý tasqynyna baılanysty respýblıkalyq mańyzdaǵy «Karaǵandy-Aıagóz-Buǵaz» (139, 141, 169 km) avtojolynyń bóligi barlyq kólik túrleri úshin jabyldy.
«Jolaýshylar kóligi jáne avtomobıl joldary basqarmasynyń» málimetteri boıynsha, Qostanaı oblysynda 13 sáýir, saǵat 11-30-dan bastap, sýdyń tasýyna baılanysty oblystyq mańyzdaǵy «Qostanaı-Vvedenka» (68-70 km, Nadejdenka aýylynan Molodejnyı aýylynyń burylysyna deıin) avtojolynyń bóligi barlyq kólik túrleri úshin jabyldy.
Sáýirdiń 14-nen, saǵat 21-45-ten bastap, sý tasýyna baılanysty oblystyq mańyzdaǵy «Áýlıekól-Jaldama» avtojolynyń bóligi barlyq kólik túrleri úshin jabyldy.
