«Qaraǵandy-Balqash» jáne «Astana-Qorǵaljyn» joldarynda kólik qozǵalysy jandandy
ASTANA. 16 qańtar. QazAqparat - «Qaraǵandy-Balqash» jáne «Astana-Qorǵaljyn» joldarynda kólik qozǵalysy jandandy. Sonymen qatar, basqa respýblıkalyq joldarda kólik qozǵalysyna shekteý engizildi. Bul týraly búgin «Qazaqavtojol» RMK-nyń baspasóz qyzmetinen habarlandy.
Almaty oblysynda 12 qańtardan beri "Úsharal-Dostyq" jolynyń 0-184 shaqyrymy aralyǵynda jol jabyq.
Sonymen qatar kesheden bastap "Almaty-Óskemen" jolynyń 558-615 shaqyrymyndaǵy "Úsharal-Shyǵys Qazaqstan obl. shekarasy" ýchaskesinde avtokóliktiń barlyq túrleri úshin jol qozǵalysyna shekteý qoıyldy.
Shyǵys Qazaqstan oblysynda 15 qańtardaǵy saǵat 16.00 bastap "Óskemen-Rıdder-RF shekarasy" jolynyń 15-191 shaqyrymyndaǵy "Beloýsovka a.-RF shekarasy" aralyǵynda da jol jabyldy.
15 qańtardaǵy saǵat 12.30 bastap «Almaty-Óskemen" jolynyń 615-775 shaqyrymyndaǵy "Almaty obl. shekarasy-Aıagóz" aralyǵynda avtokóliktiń barlyq túrleri úshin jol qozǵalysyna shekteý qoıyldy.
Al búgin osy óńirde saǵat 09.45 bastap "Óskemen-Shemonaıha-RF shekara" jolynyń 32-123 shaqyrymyndaǵy "Predgornoe-RF shekarasy" aralyǵynda avtokóliktiń barlyq túrleri úshin jol jabyldy.
16 qańtarda saǵat 18.00 beri «Óskemen-Zyrıan-Katon Qaraǵaı» jolynyń 174-337 shaqyrymyndaǵy "Zyrıan-Katon-Qaraǵaı" aralyǵynda avtokóliktiń barlyq túrleri úshin jol qozǵalysyna shekteý qoıyldy.
Soynmen qatar búgin osy ýaqytta "Semeı-Novoaltaıskıı-RF" jolynyń 2-113 shaqyrymyndaǵy "Semeı-RF shekarasy" aralyǵynda da jol jabyldy.
Qaraǵandy oblysy boıynsha 15 qańtardaǵy saǵat 12.30 beri "Qyzylorda-Pavlodar" jolynyń 433-749 shaqyrymyndaǵy "Jezqazǵan-Atasý" aralyǵynda avtokóliktiń barlyq túrleri úshin jol qozǵalysyna shekteý qoıyldy.
16 qańtardaǵy saǵat 13.30 bastap "Ekaterınbýrg-Almaty" jolynyń 1492-1858 shaqyrymyndaǵy "Qaraǵandy-Balqash" aralyǵynda avtokóliktiń barlyq túrleri úshin jolǵa shyǵýǵa tyıym salyndy. 16 qańtarda saǵat 17.20 shekteý alyndy.
16 qańtardaǵy saǵat 13.30 beri "Qyzylorda-Pavlodar" jolynyń 992-1135 shaqyrymyndaǵy "Qaraǵandy-Pavlodar obl." aralyǵynda avtokóliktiń barlyq túrleri úshin jol qozǵalysyna shekteý qoıyldy.
16 qańtardaǵy saǵat 14.50 bastap «Ekaterınbýrg-Almaty" jolynyń 1353-1444 shaqyrymyndaǵy "Aqmola obl.-Temirtaý q." aralyǵynda avtokóliktiń barlyq túrleri úshin jol jabyldy.
16 qańtarda tústen keıin «Qaraǵandy-Aıagóz-Buǵaz» jolynyń 17-320 shaqyrymyndaǵy "Qaraǵandy-Shyǵys Qazaqstan obl" aralyǵynda avtokóliktiń barlyq túrleri úshin jol qozǵalysyna shekteý qoıyldy.
Pavlodar oblysy boıynsha, 16 qańtardaǵy saǵat 12.30 bastap boranǵa baılanysty "Astana-Ereımentaý-Shiderti" jolynyń 205-259 shaqyrymdary - "Shiderti-Aqmola obl." aralyǵynda avtokóliktiń barlyq túrleri úshin jol qozǵalysyna shekteý qoıyldy.
16 qańtardaǵy saǵat 15.00 bastap "Qyzylorda-Pavlodar" a/j 1135-1383 shaqyrymmdary - "Pavlodar obl-Qaraǵandy obl." aralyǵynda avtokóliktiń barlyq túrleri úshin jol jabyldy.
16 qańtarda saǵat 15.00 beri "Pavlodar-Sherbaqty-RF" jolynyń 79-112 shaqyrymyndaǵy "Sharbaqty-RF" aralyǵynda avtokóliktiń barlyq túrleri úshin jol qozǵalysyna shekteý qoıyldy.
16 qańtarda saǵat 18.30 bastap qolaısyz aýa raıyna (burqasyn boran, jol kórinisiniń shektelýi) baılanysty "Ýlıanovskıı-Kerneı-Baıanaýyl-Maıqaıyń-Qalqaman" jolynyń 93-324 shaqyrymyndaǵy "Qalqaman-Qaraǵandy oblysy" aralyǵynda da kólikterdiń jolǵa shyǵýyna tyıym salyndy.
Aqmola oblysy óńirinde 16 qańtarda saǵat 14.40 bastap "Astana-Ereımentaý-Shiderti" jolynyń 16-205 shaqyrymyndaǵy "Astana q.-Pavlodar obl" aralyǵynda avtokóliktiń barlyq túrleri úshin jol qozǵalysyna shekteý qoıyldy.
Budan bólek búgin saǵat 14.40 bastap qolaısyz aýa raıyna baılanysty "Astana-Qorǵaljyn" a/j 19-180 shaqyrymy aralyǵynda avtokóliktiń barlyq túrleri úshin jol jabylǵan bolatyn. Saǵat 18.15 bastap bul jol ashyldy.
