«Qaraǵandy – Balqash» trassasyn jóndeý qashan aıaqtalady
«Qaraǵandy – Balqash» tasjolyn jóndeý jospar boıynsha 2023 jyly aıaqtalady. Búgin tańerteń «QazAvtoJol» ulttyq kompanııasynyń basshylyǵymen sóılestim, joldy bıyl qoldanýǵa beremiz dep otyr. Al tolyqtaı, tıisti ınfraqurylymmen 2023 jyly qamtylady. Bul jol Qaraǵandydan Balqashqa, odan ári Jambyl oblysyna qarasty Býrylbaıtalǵa aparady», - dedi Jeńis Qasymbek Ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq oblys basshysy óńirde taǵy birneshe baǵyt boıynsha joldarǵa jóndeý júretinin aıtty.
«Aldaǵy bir aıdyń ishinde «Qaraǵandy - Qarqaraly» baǵytyndaǵy jolǵa ortasha jóndeý jumysy bastalady. 10 shaqyrym jolǵa jóndeýdi biz júrgizemiz. Sonymen qatar respýblıkalyq mańyzy bar 20 shaqyrym joldy «QazAvtoJol» jóndeıdi. Atalǵan avtojoldardyń jóndelýin Qarqaraly men Buqar jyraý aýdanynyń turǵyndary kópten kútip otyr. Bıyl sáýir, mamyr aıynda osy joldardyń sapasyna qatysty suraqtardyń jıilegeni ras. Kelesi baǵyt Jezqazǵanǵa aparatyn jol. Indýstrııa jáne ınfraqurylymdyq damý mınıstrliginiń málimetine sáıkes, joldyń jobalyq-smetalyq qujaty bıyl daıyn bolady. Sodan soń jóndeý jumysy bastalmaq», - deıdi ol.
