«Qaraǵandy-Balqash» tas jolynyń qurylysy bıyl bastalady
ALMATY. QazAqparat - «Qaraǵandy-Balqash» tas jolynyń qurylysy bıyl tamyzda bastalýy múmkin, dep habarlaıdy QazAqparat tilshisi.
«Jobalyq smetalyq qujattama daıyn. Úsh merdiger anyqtaldy. Uzyndyǵy shamamen 367 km bolatyn jol ýchaskesi 2020 jyldyń kúzine deıin paıdalanýǵa beriledi dep josparlanyp otyr», - dedi «QazAvtoJol» ulttyq kompanııasynyń baspasóz hatshysy Baýyrjan Serikbaev.
Onyń aıtýynsha, jol salýǵa qarajat Qytaı eksport-ımport bankinen alynbaq.
Ulttyq kompanııa ókilderi osy jol paıdalanýǵa berilse Ortalyq-ońtústik arasyndaǵy jol baılanysynyń máselesi sheshiletinine úmitti.
«Qaraǵandy-Balqash» joly respýblıkalyq mańyzy bar Ekaterınbýrg-Almaty tas jolynyń bir bóligi.
Bul jol Qostanaı, Astana, Qaraǵandy qalalary arqyly ótedi.
