Qaraǵandy-Balqash-Almaty jolynyń qurylysy qashan aıaqtalady

NUR-SULTAN. QazAqparat – Qaraǵandy-Balqash-Almaty avtomobıl joly 2023 jyly tolyǵymen paıdalanýǵa beriledi. Bul týraly QR Indýstrııa jáne ınfraqurylymdyq damý vıtse-mınıstri Berik Kamalıev aıtty, dep habarlaıdy QazAqparat tilshisi.

«El astanasy Nur-Sultan qalasy men óńirlerdi «sáýleli prıntsıp» boıynsha baılanystyratyn joǵary jyldamdyqty 4 jolaqty avtomagıstral qurylysy jalǵasady. Kókshetaý, Pavlodar jáne Qaraǵandy baǵytyndaǵy jumystar aıaqtaldy. Qazirgi ýaqytta qurylys jumystary Qaraǵandydan Qapshaǵaıǵa deıingi ýchaskede iske asyrylýda. Bıyl uzyndyǵy 363 shaqyrym bolatyn Qaraǵandy-Balqash ýchaskesindegi negizgi jumystardy aıaqtaý kózdelgen», - dedi Berik Kamalıev Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, uzyndyǵy 288 shaqyrym bolatyn «Balqash-Býrylbaıtal» ýchaskesin rekonstrýktsııalaý jumysyna koronavırýs pandemııasy keri áserin tıgizdi. ıAǵnı, jekelegen sheteldik kompanııalar jumysyn jalǵastyra almady. Degenmen, qazirgi ýaqytta Halyqaralyq qaıta qurý jáne damý banki qarjylandyratyn bul jobany basqa merdigerler qolǵa alyp, jumys istep jatyr.

«Jalpy, Memleket basshysy tapsyrǵandaı, Qaraǵandy-Balqash-Almaty dálizin tolyqtaı 2023 jyly aıaqtaımyz»,- dedi vıtse-mınıstr.