Qaraǵandy avtovokzaly el ishindegi avtobýs baǵdarlarynyń bılet baǵasyn tómendetti
NUR-SULTAN. QazAqparat - Qaraǵandy avtovokzalynyń jumysynda ózgerister engizildi. Jolaýshylar úshin jaǵymdy jańalyq – el ishindegi keıbir marshrýttarǵa bıletter arzandady, dep habarlaıdy oblystyq ákimdiktiń baspasóz qyzmeti.
Endi Nur-Sultanǵa avtobýspen 1200 teńge, Balqashqa 2800 teńgege jetýge bolady. Almatyda nemese Shymkentke sapar 5 570 teńge turady. Óskemenge deıin bılet 7000 teńge, Semeı - 4 400 teńge, Pavlodar – 3000 teńgeni quraıdy.
Sonymen qatar «Qaraǵandy-Taldyqorǵan» jańa reısi ashyldy. 13 qyrkúıekten bastap bul baǵytqa avtobýs kún saıyn júretin bolady. Jóneltý ýaqyty: 23.00. Bılet quny 8 500 teńge turady.
Buǵan qosa «Qaraǵandy – Petropavl» baǵyty qaıta jandandy. Avtobýs aptasyna úsh ret: seısenbi, beısenbi jáne senbi kúnderi júredi. Jóneltý ýaqyty: 15.40, Temirtaý arqyly. Bılet quny – 6 000 teńge.
Barlyq marshrýttarǵa bıletterdi aldyn ala satyp alýǵa bolady. Ondaı satylymdar 30 kún buryn bastalady.
Bıletterdi onlaın brondaý jáne satyp alý táýlik boıy Internet, ınternet bankıng, qiwi, kassa24 termınaldary arqyly banktik kartamen júzege asyrylady.
Avtovokzal kassasy men termınaldar saǵat 06:00-den 23:00-ge deıin túski úzilissiz jáne demalyssyz jumys isteıdi.
