Qaraǵandy aýrýhanasyna kók ala qoıdaı sabalǵan sábı tústi
QARAǴANDY. QazAqparat - Qaraǵandy balalar klınıkalyq aýrýhanasyna denesi jaraqattalǵan 4 aılyq sábı jetkizildi. Odan birshama aýrý túrleri tabyldy, dep habarlaıdy QazAqparat.
«Sábı qazir balalar klınıkalyq aýrýhanasynyń jansaqtaý bóliminde jatyr. Aýrýhanaǵa túsken kezde onda gematoma túrindegi kóptegen dene jaraqattary boldy. Dárigerler balany tekserip, barlyq qajetti medıtsınalyq protsedýralardy júrgizdi. Qyzdan JRVI, tamaǵynyń qabynýy, ishekteriniń durys jumys istemeýi, sondaı-aq zár shyǵarý joldarynyń ınfektsııasy tabyldy. Balanyń jaǵdaıy jaqsardy, jospar boıynsha ony bólimshege aýystyrýy tıis», - dep túsindirdi Qaraǵandy oblystyq densaýlyq saqtaý bóliminiń baspasóz hatshysy Aıjan Isa.
Polıtsııa qyzdyń denesinde gematomanyń paıda bolý sebebin anyqtap jatyr. Óńirlik polıtsııa departamentinde atalmysh fakti boıynsha qylmystyq is qozǵalǵanyn aıtty.
