Qaraǵandy áýejaıynyń jumysy qalpyna keltirildi
QARAǴANDY. QazAqparat - Aýa raıynyń qolaısyzdyǵynan barlyq ishki jáne halyqaralyq reısteri toqtatylǵan Qaraǵandynyń «Saryarqa» áýejaıy úsh táýlikten keıin qalypty jumys rejımine kóshti, dep habarlaıdy QazAqparat.
Áýejaıdyń óndiris boıynsha dırektorynyń orynbasary Petr Efanovtyń málimdeýinshe, ushýdy júzege asyrý úshin aýa raıy bir qalypqa keldi.
«Barlyq áýe reısteri keste boıynsha júrgizilýde. Áýejaı shtattyq rejımde jumys istep tur, aýa raıy jaǵdaıy jumysty qalpyna keltirýge múmkindik berdi», - dedi P.Efanov.
Áýejaı 24 jeltoqsan kúni tańǵy 11-de óz jumysyn toqtatqan edi. Azamattyq avıatsııa komıteti áýejaıdyń jabylý sebebin qolaısyz aýa raıymen, ushý-qoný jolaǵyn muz basýmen túsindirdi.
