Qaraǵandy aýdany ákimi orynbasarynyń zaıyby belgisiz jaǵdaıda kóz jumdy
QARAǴANDY. QazAqparat - Qaraǵandydaǵy Oktıabr aýdanynyń ákimi orynbasarynyń zaıyby gaz plıtaǵa basy soǵylyp, belgisiz jaǵdaıda qaza tapty, dep habarlady «QazAqparat» HAA tilshisi.
Aldyn ala derekter boıynsha, 33 jastaǵy áıel ózin jaısyz sezinip, as úıdegi gaz plıtasynyń buryshyna basyn soǵa qulaǵan.
«Atalmysh fakti jazataıym oqıǵa retinde tirkeldi. Áıeldiń qaza bolý sebebin anyqtaý úshin saraptama taǵaıyndaldy», - dep habarlady Qaraǵandy oblysy prokýratýrasynyń baspasóz hatshysy Gúljan Súleımenova.
Ol Qaraǵandy oblysy Oktıabr aýdanynyń TKSh máselesi boıynsha orynbasarynyń áıeli ekeni belgili. Alaıda G. Súleımenova mundaı derekteri joq ekenin túsindirdi.
Ári, aýdan ákimdiginiń qabyldaý bólmesindegiler Áskerbek Haltonovtyń áıeli qaıtys bolǵanyn rastady.
