Qaraǵandy aýdandyq sotynda «Besoba» TK-de úıdiń opyrylyp qulaýynan zardap shekkenderdiń aryzdary qaralýda
Bul týraly búgin brıfıngte Qaraǵandy oblystyq sotynyń tóraǵasy Ermek Serekbaev aıtty.
«Besoba» TK-de kópqabatty úıdiń opyrylyp qulaǵan kezinen bastap Qaraǵandynyń №2 aýdandyq sotyna aryzdar túse bastady. Búginde onyń sany 6-ǵa jetti. Olardyń 3-ýi óndiriske alyndy. Bir shaǵym boıynsha sottyq aralasý isine daıyndyq jóninde túsinikteme shyǵaryldy. Taǵy da bir aryz boıynsha sheshim qabyldanyp, bireýi kemshilikterdi joıý úshin qozǵalyssyz qaldy», - dedi E. Serekbaev.
Onyń sózine qaraǵanda, aryzdanýshylardyń basym bóligi qaıta tabystaý bılik ókilderine kóshetinine, tsessııanyń kesimimen kelispeıdi. Basqa da aryzdarǵa qaraǵanda, keıbir azamattar birneshe páterden aıyrylǵan, degenmen bılik ókilderi qaıtarym retinde tek bir páter usynýda. «Aryzdanýshylar ózderiniń qansha páteri bolsa, sonsha qaıtarýdy talap etýde», - dedi oblystyq sottyń tóraǵasy.
Esterińizge sala keteıik, 6 sáýir kúni Qaraǵandynyń «Besoba» shaǵynaýdanynda úleskerlerdiń qarajatyna úsh jyl buryn salynǵan bes qabatty turǵyn úıdiń 4 kireberisi bar blogy opyrylyp qulady. Qurbandar men zardap shekkender joq.
Atalmysh turǵyn úıde 1 sáýir kúni salmaq túsetin negizgi qurylys konstrýktsııalary buzylǵan bolatyn.
Apatty úıden 138 adam kóshirilgen edi. Qaraǵandy ákimdiginiń 3 sáýirdegi ókimimen aldyn ala sharalar keshenin oryndaý úshin úıge TJ rejimi engizildi.
Qaraǵandyda «Besoba» shaǵynaýdanyndaǵy bes qabatty turǵyn úıdiń bir bóliginiń opyrylyp qulaý faktisi boıynsha mamandandyrylǵan prokýror QR QK-niń 307 baby (Qyzmettik ókilettigine qııanat etý) boıynsha qylmystyq is qozǵady. Keıin úılerdi salǵan qurylys uıymdaryna qatysty QR QK-niń 245 babynyń 2 bólimimen («Aýyr zardaptarǵa soqtyrǵan sapasyz qurylys») qylmystyq is qozǵaldy.
Aldyn ala baǵalaý boıynsha, opyrylyp qulaǵan úıdiń turǵyndaryna keltirilgen shyǵyn 545,3 mln. teńgeni, sonyń ishinde joıylǵan páterlerdiń baǵasy - 328,8 mıllıon teńgeni quraıdy. Qalanyń bılik ókilderi zardap shekken adamdardarǵa ártúrli mándi úı usynýǵa ýáde berýde.
Qazirgi ýaqytta Qaraǵandy ákiminiń burynǵy orynbasarlary Vıktor Ivanov pen Sergeı Grıbenşıkov, oblystyq memlekettik arhıtektýralyq-qurylys baqylaý basqarmasynyń burynǵy basshysy Aleksandr Vorobev ustaldy.
Úıdiń qurylysymen aınalysqan «Servıspromsnab» JShS-niń dırektory Andreı Malıanovqa qatysty qarjy polıtsııasy úleskerlerdi aldaý faktisi boıynsha qylmystyq isti tergeý ústinde. Aldanǵan úleskerlerdiń aqshasyn jymqyryp, boı tasalap júrgen kompanııa basshysyna izdeý salyndy.
