Qaraǵandy attraktsıonyndaǵy kisi ólimi: nusqaýshy apellıatsııalyq shaǵym joldady

QARAǴANDY. QazAqparat – Qaraǵandy oblystyq sotyna 4 jylǵa bas bostandyǵynan aıyrý jazasyna kesilgen Aleksandr Mýznıkastan apellıatsııalyq shaǵym tústi. Ol Qaraǵandydaǵy attraktsıonda qaza tapqan 34 jastaǵy Evgenııa Leontevanyń ólimine kináli dep tanylǵan bolatyn, dep habarlaıdy QazAqparat tilshisi.

Qaraǵandydaǵy «Roýmpdjampıng» attraktsıonynda kóz jumǵan 34 jastaǵy Evgenııa Leontevanyń ólimi týraly is jalǵasýda. Bul is boıynsha tamyz aıynyń basynda sot nusqaýshy Aleksandr Mýznıkasqa qatysty úkim shyǵarǵa bolatyn. Ol 306-baptyń 3-bóligi «qaýipsizdik talaptaryna saı kelmeıtin, abaısyzda adam ólimine ákep soqqan jumystardy oryndaý nemese qyzmet kórsetý» boıynsha sottaldy. Qazybek bı aýdandyq sotynyń sýdıasy ony kináli dep tanyp, ortasha qaýipsizdik kolonııasyna 4 jylǵa qamaý jazasyn taǵaıyndady . Alaıda aıyptalýshy sot sheshimimen kelispeıtinin bildirip, apellıatsııalyq shaǵym berdi.

Apellıatsııalyq shaǵym 2 qyrkúıekte tústi. Qaraǵandy oblystyq sotynyń qylmystyq ister jónindegi sot alqasynyń sýdıasy Nurmaǵambetova shaǵymdy qaraýdy 27 qyrkúıekke taǵaıyndady.

Esterińizge sala keteıik, 10 qazanda 33 jastaǵy Evgenııa Leonteva «Sozvezdıe» qonaq úıiniń tóbesindegi roýp-djampıng attraktsıonyna baryp, bıikten sekirgen bolatyn. Alaıda, bekitilmegen symnyń saldarynan ol beton qorshaýǵa qulap, aýrýhanada qaıtys boldy.