Qaraǵandy attraktsıonyndaǵy áıeldiń ólimi: Kúdikti 2 aıǵa qamaýǵa alyndy
QARAǴANDY. QazAqparat – Qaraǵandyda áıel ólimi bolǵan attraktsıonnyń nusqaýshysy qamaýǵa alyndy, dep habarlaıdy QazAqparat tilshisi.
«Qaraǵandy qalasynyń mamandandyrylǵan tergeý soty attraktsıonnyń nusqaýshysyn eki aı merzimge kúzetpen ustaý túrindegi bultartpaý sharasyna sanktsııa berdi», - dep delingen oblystyq sottyń baspasóz habarlamasynda.
Esterińizge sala keteıik, 10 qazan kúni toǵyz qabatty meıramhananyń shatyryna ornatylǵan attraktsıonda 25 metr bıiktikten sekirgen áıel kóz jumdy.
Bir kúnnen keıin polıtsııa attraktsıonnyń nusqaýshysyn ustaǵan bolatyn. kúdiktige qatysty tekserý júrgizildi.
