Qaraǵandy attraktsıondarynyń birinde oqys oqıǵa oryn aldy
QARAǴANDY. QazAqparat – «Amerıkalyq taýlar» attraktsıonynyń jolaýshylary bar shaǵyn vagony birneshe metr bıiktikte ornalasqan relste turyp qaldy. Qaza bolǵandar men zardap shekkender joq, dep habarlaıdy QazAqparat tilshisi.
Oqıǵa Qaraǵandynyń ortalyq saıabaǵynda boldy. Shaǵyn vagondardyń biri birneshe metr bıiktikte ornalasqan relsterde turyp qalǵan. Attraktsıon qyzmetkerleri jolaýshylarǵa tez arada jerge túsýge kómektesti. Oqıǵa kezinde eshkim zardap shekken joq.
«Oqıǵa shynymen oryn alǵanyn jasyrmaımyz. Qaýipsizdikti tekserý maqsatynda tehnıkalyq jaramdylyq saraptamasynan ótkendigi týraly sertıfıkat alǵan barlyq attraktsıondar atalǵan oqıǵalardyń qaıtalanýyn boldyrmaý úshin ýaqytsha toqtatylady», - dep habarlady Qaraǵandy qalasynyń mádenıet jáne demalys saıabaqtary basqarmasynan.
Sondaı-aq, resmı organdar Qaraǵandy saıabaqtaryndaǵy attraktsıondardyń qanshalyqty durys jumys isteıtinderin tekserýdi josparlap otyr.
