Qaraǵandy-Astana jolynda adamdardyń ólimimen aıaqtalǵan apattyń mán-jaıy anyqtalýda
QARAǴANDY. QazAqparat - Quqyq qorǵaý organdary anasy men balasynyń ómirin qıǵan jol apatynyń mán-jaıyn anyqtaýǵa ýáde berdi, dep habarlady «QazAqparat» HAA tilshisi.
Qaraǵandy oblystyq ІІD baspasóz qyzmetiniń basshysy Baqytjan Qudııarovtyń habarlaýynsha, sotaldy tergeý QK-niń 345-baby 4-bóligi boıynsha júrip jatyr. Oqıǵanyń mán-jaıy anyqtalýda.
B. Qudııarov kisi ólimine alyp kelgen apattyń aldyn ala sebebi kólik qozǵalysy úılesiminiń buzylýy ekenin atap ótti.
«Aldyn ala derek boıynsha, «Lada Kalına» kóliginiń júrgizýshisi rýlge ıe bola almaı qalǵan», - dep atap ótti ol. Onymen bir mezgilde, «Lada Kalınanyń» júrgizýshisi jol apatyna markasy anyqtalmaǵan qara tústi kóliktiń kináli ekendigin aıtýda.
Eske salsaq, jol-kólik oqıǵasy Qaraǵandy baǵytyna qaraı Osakarovka kentinen 20 shaqyrym jerde Qaraǵandy-Astana tasjolynda boldy. Kólik metall qorshaýǵa soǵylyp, saldarynan áıel jáne onyń 28 jastaǵy uly mert boldy.
