«Qaraǵandy-Astana» tas jolynda 50-ge jýyq kólik kepteliste qaldy
ASTANA. QazAqparat - Aýa raıynyń kúrt qubylýyna baılanysty «Qaraǵandy - Astana» tas jolynda 50-ge jýyq kólik kepteliste qaldy, dep habarlaıdy Qaraǵandy oblysy ІІD baspasóz qyzmetiniń ókili Baqytjan Qudııarovqa silteme jasap.
«Aýa raıynyń kúrt ózgerýine baılanysty «Qaraǵandy-Astana» tas jolynyń Osakarovka mańaıynda kólikterdiń keptelisi paıda boldy. Shamamen 20 júk kóligi men 30-dan astam jeńil avtokólik kepteliste qalǵan. Sondaı-aq, oqıǵa ornynda jeńil-jelpi jol-kólik oqıǵalary tirkelip otyr. Zardap shekkender joq», - dep habarlaıdy Baqytjan Qudııarov.
Qaraǵandy oblysy ІІD baspasóz qyzmetiniń ókili habarlaǵandaı, qazirgi ýaqytta oqıǵa ornynda Jergilikti polıtsııa men Tótenshe jaǵdaılar departamentiniń qyzmetkerleri jumys júrgizip jatyr.
