Qaraǵandy áskerı bóliminde sarbaz jerlesin uryp óltirdi
QARAǴANDY. QazAqparat - Qaraǵandy oblysy Prıozersk qalasyndaǵy Qorǵanys mınıstrliginiń № 44841 bóliminde áskerı boryshyn óteýshi sarbaz aýyr soqqydan mert boldy, dep habarlaıdy QazAqparat tilshisi.
Qatardaǵy sarbazdy kazarmanyń artynda basqa sarbaz uryp-soqqan. Sot-medıtsınalyq saraptama qorytyndysy kórsetkendeı, Ońtústik Qazaqstannan shaqyrylǵan 19 jastaǵy E.N. Jeksembaıdyń ólimi qatty soqqydan kelgen. Ol ásker qataryna osy jyldyń kókteminde alynǵan.
«Bul oqıǵa bizdiń eseńgiretip tastady. Buǵan deıin kıkiljińdi áreketter bolǵan emes. Boryshyn óteýshi sarbazdy ne úshin uryp óltirgenin tergeý anyqtaıtyn bolady», - dep habarlady «№ 44841 áskerı bólimi» respýblıkalyq memlekettik mekemesiniń qolbasshylylyǵy.
Oqıǵaǵa kúdikti retinde Ońtústik Qazaqstan týmasy, qatardaǵy sarbaz ustaldy. Tergeý amaldary júrgizilip jatyr.
