Qaraǵandy alǵashqy kóktaıǵaqqa daıyn bolmaı shyqty
QARAǴANDY. QazAqparat - Alǵashqy kóktaıǵaq Qaraǵandy kommýnaldyq qyzmetteri men avtojúrgizýshilerin degbirinen adastyrdy, dep habarlaıdy «QazAqparat» HAA tilshisi.
Kommýnaldyq qyzmetter qala ishindegi jáne qala syrtyndaǵy tas joldarǵa ınerttik materıal, qum tósemegendikten, júzdegen avtomobıl kóktaıǵaq saldarynan tipti tómen jyldamdyqpen de qozǵala almaı qalǵan.
4 qazanda ylǵal qar jaýýynyń saldarynan jaýǵan qardan qalanyń ishindegi jáne syrtyndaǵy joldar kóktaıǵaqqa aınaldy. Óńirde tańǵy 11-ge qaraı onnan astam usaq jol apattary men mashınalardyń joldan shyǵyp ketý oqıǵalary kezdesti. Qurban bolǵandar joq.
«Kommýnaldyq qyzmetter qaıda? Nege joldarǵa qum tósemeıdi? Jolda olardyń birde-birin kórgenim joq», - degen kólik júrgizýshileri renishterin de bildirýde. Qaraǵandy ákimdiginiń dıspetcheri qyzmetindegiler qaladaǵy basty joldarǵa qum tıelgen arnaıy mashınalardy jóneltkenin málim etti.
Qaraǵandy oblystyq ishki ister departamenti baspasóz qyzmetiniń derekterine qaraǵanda, ótken táýlikterde kóktaıǵaqtyń saldarynan 28 jol-kólik oqıǵalary tirkelgen.
